ပိုင်ဆိုင်ခွင့်မရှိတဲ့ အချစ်

ကောင်မလေးရေ

မမေ့ခဲ့ပါဘူး

ရွေးချယ်ခွင့်မရှိခဲ့တဲ့..ငါ့ဘ၀မှာ

အရာရာကိုထိတ်လန့်နေခဲ့ရတယ်

မင်း..ဘယ်တော့များ.ငါ့ရင်ထဲကထွက်သွားမှလဲပေါ့

ဘယ်သူတွေကငါ့အချစ်တွေကို စာနာပေးနိုင်မလဲလို့

အခါခါစဉ်းစားရင်း..ကြေကွဲနေခဲ့ရသူပါ.

ပိုင်ဆိုင်ခွင့်မှရှိတဲ့.ငါ့ဘ၀ကို

ငါ….မုန်းတီးနေမိတယ်

ချစ်တယ်ဆိုတဲ့…စကားလေးတွေတောင် မင်းဆီကကြားခွင့်မရှိတာ.

မင်း..ကိုယ့်ကို တကယ်မချစ်ခဲ့တာလား

ကောင်မလေးရယ်

နေ၀င်တော့မည် အိုနှမ

နေ၀င်တော့မည် အိုနှမ

နေ၀င်တော့မည်
ကောင်းကင်ဆီဝယ်
နေခြည်အရောင်၊တိမ်အရောင်သည်
ညိုရောင်ယှက်သန်း နေလေပြီ။

အိုဘယ့် နှမ၊ချစ်နှမငဲ့
မြစ်မကမ်းဘေး၊ထိုင်ကာငေး၍
လွမ်းဆွေး မနေပါနှင့်တော့။

ယခုပင်လျှင်၊ရေအိုး ငင်၍
ရေစင်အပြည့် ခပ်ပါဘိ။

ရေခပ်ပြီးသော်
ခရီးလမ်းမှာ၊မောပန်းလာသော
သူငါအများ၊ခရီးသွားကို
ကြီးမာမေတ္တာ၊စေတနာဖြင့်
ကြည်သာချိုမွှေး၊သင့်ရေအေးကို
တိုက်ကျွေးပြုပါ့ အိုနှမ။


ဆရာမင်းယုဝေ ရေးသားထားတာပါ ..
..

တိတ်တိတ်လေး

ကဗျာမတတ်
စာဖွဲ့ ရန်ခက်တော့

လင်္ကာမသိ
စာမညှိတတ်တော့

ရင်မှာသိုထား
ဝေဒနာများကို

သူသိအောင်
ကြေငြာချင်လဲ

တိတ်တိတ်ခံစား
သိမ်းလို့ ပဲထားတော့မယ်။။
.

မင်းကိုချစ်နေဆဲပါ

ချစ်နေဆဲ
ကိုယ်ဟာ အချစ်ကို စတင်ဖို့ 
ရွေးချယ်ခွင့် ရှိတယ်၊
အချစ်ကို အဆုံးသတ်ဖို့ 
စဉ်းစားရွေးချယ်ခွင့် မရှိပါဘူး။
နေရောင်တွေ
မိုးစက်ပွင့် တွေ
ဖြူနှင်းတွေ
ရွေ့ လျားနေတဲ့  တိမ်တိုက်တွေ
အားလုံးဟာ ခုတော့ ၀ိုးတ၀ါး
ဒီလိုနဲ့ ပဲ .ရပ်တန့် မသွားတဲ့ 
အချိန်တွေ ...အချိန်တွေ
မပြောင်းလဲခဲ့ပါဘူး.
သေချာတာက
ငါ့ မင်းကိုချစ်နေဆဲပါ ...ကောင်မလေး။။

တိတ်တခိုး

အိမ်ဘေးနားက ကောင်မလေး
ဘယ်သူမေးမေး `မချစ်တတ်သေးဘူး´တဲ့ ။။
ဒါပေမယ့်လေ.
ငါဝေဒနာကို အဖြေရှာမယ့် 
မင်းက အကြင်နာကို ရင်မှာ
အပ်နှင်းမယ်ဆိုရင် ဖွင့် မပြောဘူးတဲ့ ။။
မင်းရင်ထဲက စကား
ငါ့ အာရုံခံ နှလုံးသားက
ကြုိုကြားပါရစေ ။။

=============================

ပြန်ဆုံရင်

နှစ်လရှည်ကြာမှ
ပြန်တွေ့ ခဲ့ ပါမှု
တိတ်ဆိတ်ဆွံ့အ
မျက်ရည်စတွေနဲ့ 
သခင့်ကို ....
ကို ဘယ်လိုနှုတ်ခွန်းဆက်သရပါ့ ကွယ်

မင်းအတွက်သာ

အချစ်ဆိုတာ
အရာရာတိုင်း သူဆန္ဒ
လိုတရ စေချင်တဲ့ 
စေတနာ...


သူပျော်နေရင်
ကြည်နူးဝမ်းသာစိတ်
သူကျေနပ်ဖို့ ဆိုရင်
အရာရာတိုင်းကို
စွန့် လွတ်ရဲ့ တဲ့ သတ္တိ


သူစိတ်ဓာတ်ကျနေရင်
နှစ်သိမ့်ပေးမယ့်  ခွန်အား
ဒီလိုဆိုရင်
သူငယ်ချင်းရယ်
ကိုယ့် အချစ်ဟာ
မင်းအတွက်သာ ထာဝရပါ.

ငါ မင်းကိုချစ်တယ်

ငါ မင်းကိုချစ်တယ်...
သေဆုံးခြင်းကင်းတဲ့ ချစ်ခြင်းတွေကြား
ငါ့ဝိညာဉ်နဲ့ အတူ သေဆုံးလဲကျ ချစ်နေမယ်၊၊

ဒါပေမယ့် ..ရင်မှာစိုးထိတ် ကြောက်ရွှံအချစ်မျိုး
မင်းရင်မှာ ကြာရှည်မထားပါနဲ့ ၊၊
ဒီလိုအချစ် ငါထပ်ပေးဖို့  ဆန္ဒမဲ့ခဲ့ပြီ။။

ငါမင်းကို ချစ်တယ်...
မျှော်လင့်ခြင်းမရှိ၊ စကားလုံးမသ်ိတဲ့ 
ရှက်စိတ်မှုကင်း မနာလိုခြင်း ဖြစ်ခဲ့တယ်။

ဒါကြောင့် ရိုးရိုးရှင်းရှင်း၊အပြစ်ကင်းတဲ့ 
ချစ်ခြင်းမျိူးနဲ့ ငါချစ်နေတော့မယ် ၊၊

ဒိလိုအချစ် ထပ်မဖြစ်အောင်
ဘုရားသခင်ထံဝပ်ဆင်း ခွင့်ပြုခြင်းကို
တောင်းဆိုပေးပါ့ မယ်၊၊

ဇန်န၀ါရီ ..<<11>>08

လွတ်မြောက်ခြင်းလမ်းစ

ဘ၀တစ်သက်တာအတွက် ၊ဆင်ခြင်ဆုံးဖြတ်
ဝမ်းရေးအတွက် ၊တစ်ရက်စာဖူလုံရေး၊
တွေဝေစဉ်းစားရင်း လက်ချိုးလို့ ရေတွက်
လခထုက်ရက်။

လူမှုရေးတစ်ဖက်၊အကြောင်းမျိုးအတွက်
လက်ဖက်ရည်ဆိုင်ထိုင်၊အိတ်ထဲက စိုက်ရှင်း
လူရှေ့ သူရှေ့ ၊မျက်နှာချိုပြ
ကွယ်ရာကြရင်၊မျက်နှာကတင်း
ချပ်နေတဲ့ အိတ်ကိုစမ်းရင်း။

ကောင်းကောင်းဆိုးဆိုး၊ကြောင်းမျိုးမျိုးနဲ့ 
ကြောင်းမျိုးဝေဖန်၊လောကဓံမှာ
နေရာတကာရိုက်စား၊မုသာဝါဒတွေများ၊၊၊

သြော်....... လောဘတရား
ဒေါသတရား
မောဟတရား............၊၊၊

ကြမ္မာရိုင်းစိုင်း၊ဘ၀မုန်တိုင်းဝယ်
တရားသုံးပါး၊
ထိုသို့ များမှ
ငါ.......... ဘယ်တော့ များ လွတ်မြောက်နိုင်ပါ့မလဲ။။။။။။။။။။။
၁၂၊ဇွန်၊၂၀၀၃ >သင်တန်းတစ်ခု အမှတ်တရ<

ရင်ခုန်သံချင်း

ရင်ခုန်သံချင်းခင်းတာမို့  ဒီစစ်ပွဲမှာ
ဓားလှံတွေမလိုပါဘူး ။။

လောကမှာ အချစ်တတ်ဆုံးသူတဲ့ ..
အဲဒါ ဘယ်သူဖြစ်မှလဲ။။

အင်း.....ဒါဟာမိန်းမလှတစ်ယောက်ရဲ့ 
စွန့် စာခန်းလို့ ခေါ်ချင်ခေါ်နိူင်တယ်။

ကဲ ...ထကြည့် စမ်း
မနက်ခင်းဆီမှာ ပြတင်းတံခါးဖွင့် လိုက်

အပြုံးတွေ ဆွေးဆွေးရဲရဲ ဖွင့် လို့ ရင်ဖွင့် ကြိုနေတဲ့ 
နှင်းဆီလမ်းပေါ်
သူမ ....တစ်လှမ်းချင်းလျှောက်လာပြီ။။

အမှောင်ထုရဲ့  လှန့် နေကြ အသံဟာ ရုတ်ချဉ်းဆွံ့ အ ..
လိပ်ပြာက ကြိုးနဲ့  ဆည်းဆာသစ်ကို ပျိုးခဲ့ တယ်။။

ပြီးတော့  ..
သူမ နှုတ်ခမ်းဆီက တိုးတိုးညှင်းညှင်း
´အရင်လို ဆောင်းရာသီ အလွမ်းနဲ့  ငါ့ ကို
ဒီတခါ ရင်ငွေ့ နဲ့ နွေးစေ လိမ့် မယ်တဲ့ ´ ...

ဦးအောင်သင်းရဲ့  အမွေ

ဒီနေ့တော့ ဗျာ ပျင်းပျင်းရှိတာ နဲ့  ဘာရယ်မဟုတ် ဦးအောင်သင်းရဲ့ အမွေဆိုတဲ့ စာအုပ်လေးကို ကောက်ဖတ်လိုက်မိတယ် ..ဒီကဗျာလေးတွေတော့  နှစ်သက်သွားတာနဲ့  ကောက်ရေးလိုက်တာ ကဗျာလေးက ရိုးရှင်းပေမယ့်  အရမ်းနှစ်သက်စရာကောင်းပါတယ်၊ မာဂရက်ဂျွန်စတုန်း ဂရပ်ဖလင် ကသူသားလေးအတွက်ရေး စပ်ထားတာကို ဆရာ အောင်သင်းကဘာသာပြန်ထားတာ.မိခင်တစ်ယောက် ရဲ့ မေတ္တာလေးဆိုပါတော့  အမေ့ ကိုသတိရသွားပြီး..ဒီကဗျာလေး ကို ကောက်တင်လိုက်ပါတယ် .ကဗျာလေးက

သားချစ်သို့ 

သားလေးရယ်
သားလေးဘ၀ဟာ မေမေ့ ဘ၀
သားလေးအဲဒါသိပါစေ ။။

မေမေ့ ဟဒယနှလုံးသား
သားကလေးနဲ့ ဖွဲ့ စည်းထား
သားလေးအဲဒါသိရဲ့ လား။။

မေမေနှလုံးသား ကို ထိပါးစေသည်
သားလေး´မှတစ်ပါး အခြားမရှိပြီ´
မေမေနှလုံးသား မြူးကြွားစေသည်
သားလေး´မှတစ်ပါးအခြားမရှိပြီ´

ငါ့သားလေးရဲ့ နာမည်တွင်
အစွန်းမှဲ့ ပြောက်ထင်လိုက်ရင်
လောကကြီးက ချက်ခြင်း အပြစ်မြင်
´မအေ့သား မအေလိုပင်´လို့ 
မေမေ့ ကိုပင် ဆိုမှာများ
သားလေးသိရဲ့ လား ၊၊

သားရဲ့ ဝတ္တရားဆောင်မည်လား
ကမ္ဘာကြိးကို မေမေ့ အပါး
ဝပ်စင်းလာအောင် တွန်းလိုက်သား။

´ဗိဇာမှန်လို့  အပင်သန်´
ဆိုကြမည်အမှန်
´အဖိုးတန်တဲ့ သားယောင်္ကျား
မအေတူတဲ့  အမေ့သား ´။။။

ကြယ်ကြွေည

ကြယ်ကြွေည
လူတွေက ပြောတယ်
ကြယ်ကြွေရင် ဆုတောင်းလိုက်
မင်းဆုတောင်း ပြည့်လိမ့်မယ်တဲ့

အတိအကျတော့ မသိခဲ့ပါဘူး
တစ်ခါတစ်လေမှာ ရင်ထဲသိပ်တင်းကြပ်လာရင်
မှတ်မှတ်ရရ ကောင်းကင်ကြီးကို မော့ကြည့်မိခဲ့ဖူးတယ်

ကြယ်လေးတွေ စုံလင်နေတဲ့ အချိန်မှာ
ကိုယ့်ရဲ့ မဖြည့်ဆည်းနိုင်တဲ့ ဆုတောင်းကို အသင့်ပြင်ထားရင်း
ဘယ်အချိန်မှာ ကြယ်တစ်ပွင့် ကြွေလွင့်မလဲလို့

မအေးချမ်းတဲ့ စိတ်သန္တာန်နဲ့ ကျွန်တော် စောင့်ဆိုင်းနေခဲ့ဖူးတယ်.
ရင်ဘတ်ထဲမှာတော့ အတ္တတွေ ကဆုန်စိုင်းနေခဲ့တာပေါ့
ကြယ်မကြွေခဲ့ရင်ကိုပဲ ဒေါသက ဖြစ်ခဲ့လိုက်သေးတယ်.

ကြယ်ပေါင်းများစွာ ကြွေခဲ့ကြပါတယ်.
ကျွန်တော်လည်း ဆုပေါင်းများစွာ တောင်းခဲ့ဖူးပါတယ်
ဆုတောင်းတွေ ပြည့်ခဲ့လား မပြည့်ခဲ့ဘူးလား

ဒါတော့ ကျွန်တော်မမှတ်မိတော့ဘူး
အောင်မြင်မှုကိုရတဲ့အခါမှာ
ငါတော်လိုက်တာလို့ ကျွန်တော်လက်မထောင်ခဲ့မိပေမယ့်

ဆုံးရှုံးမှုတွေ ရိုက်ခတ်လာခဲ့တဲ့ အချိန်မှာတော့
ကြယ်ကြွေဆုတောင်းက ဘာလို့ မပြည့်ခဲ့တာလဲလို့
မရှိတော့ပြီဖြစ်တဲ့ ကြယ်လေးကို အပြစ်တင်နေခဲ့မိသေးတယ်.

မဟောင်းနိုင်တဲ့ ဆုတောင်းတွေ အများကြီးထဲမှာ
ရှက်စရာကောင်းလိုက်တဲ့ အချက်က
ကြွေသွားရှာတဲ့ ကြယ်လေးအတွက်
တစ်ခါမှ ဆုမတောင်းပေးခဲ့ဖူးတာပဲ.

ဩော်…
ကျွန်တော်တစ်ယောက် အတ္တတွေနဲ့ လုံးပန်းနေခဲ့လိုက်တာ
ဆုတောင်းတာတောင်မှ အနစ်နာခံကြွေပေးရရှာတဲ့
ကြယ်ပွင့်လေးကို သတိမရခဲ့မိဘူး..
ကျွန်တော်မရှက်သင့်ဘူးလားဟင်…

ဟုတ်တယ်
ကျွန်တော်ရှက်တယ်.
ရှက်တာထက်ပိုသွားတာ တစ်ခုရှိသေးတယ်
ကျွန်တော် စိတ်မကောင်းဘူး..

ကြယ်ဆိုတာ ကောင်းကင်ထက်မှာ တင့်တယ်စွာ နေရာယူထားတာပါ.
သူကြွေသွားရင် ကောင်းကင်ကြီးလည်း အလင်းရောင်တစ်ချို့ ဆုံးရှုံးသွားခဲ့ရတာပဲ.
ဒီကြယ်လေးကို မှီပြီး ဖြစ်ပေါ်နေတဲ့ လောကဓာတ်တစ်ချို့လည်း

နည်းနည်းတော့ ယိုယွင်းသွားကြမှာ အမှန်ပဲ.
ကျွန်တော့်လို အတ္တအခိုးအလျှံတွေ ပြည့်နေတဲ့ လူသားတစ်ယောက်ကတော့
ကြယ်ကြွေတာတောင်မှ အမြတ်ထုတ်ချင်နေသေးတယ်

လူဆိုတာ ပြောင်းလဲတတ်ရမယ်လေ.
ဘ၀ဆိုတာ ကဇာတ်ခုံတစ်ခုလို့ ပြောကြပေမယ့်
ကပြသူတွေကတော့ ကြိုတင်ရေးထားပြီးသား ဇာတ်ညွှန်းကို ကပြနေတာမဟုတ်ဘူး

တစ်ခါတစ်ရံမှာ ဇာတ်ညွှန်းရေးဆရာရဲ့ အလိုကျ ကပြခဲ့ရပေမယ့်
ကိုယ်ရုန်းထွက်နိုင်တဲ့ တစ်နေရာမှာတော့ ကိုယ်ပိုင်ဒိုင်ယာလော့ဂ်တွေနဲ့
ကိုယ့်ဘ၀ကို လွတ်မြောက်ရာ ဆွဲခေါ်သွားနိုင်ဖို့ လိုတယ်…

ပညာရှင်တစ်ယောက်က ပြောခဲ့ဖူးတယ်
လူဆိုတာ နိဂုံးကောင်းရမယ်တဲ့…
ကျွန်တော် နိဒါန်းမလှခဲ့ပါဘူး

ဒါပေမယ့် နိဂုံးတော့ ကောင်းချင်တယ်.
ကျွန်တော့်ရဲ့ သွေးသားထဲက အတ္တတွေကို
ဖြည်းဖြည်းချင်း ဖောက်ထုတ်ပြီး
သန့်စင်ပစ်ချင်တယ်.

အကုန်တော့ မဖောက်ထုတ်နိုင်သေးဘူး
ဘာလို့လဲဆိုတော့
တစ်ချို့အတ္တတွေကို ကျွန်တော်လိုအပ်နေသေးတယ်လေ.

ကြွေသွားတဲ့ ကြယ်လေးတွေကို နှမြောလိုက်တာ
ကျွန်တော် ဒီည ကောင်းကင်ပြာကြီးကို မော့ကြည့်နေမိပြန်ပါတယ်.
မျှော်လင့်ခြင်းတွေနဲ့ စိုးရွံ့ခြင်းတွေကို မျဉ်းပြိုင်တစ်ဖက်ဆီမှာ ထားပြီးတော့ပေါ့

စိုးရွံ့တာက ကြယ်လေးကြွေသွားမှာကိုပဲ
မျှော်လင့်တာကတော့ ကြယ်ကြွေချိန်မှာ ကျွန်တော်ဆုတစ်ခုကို
ပိုင်ပိုင်နိုင်နိုင် တောင်းမိဖို့ပဲ..

အိုးးးးးးးးးးးးး
ကြယ်ဖြူလေးတစ်ပွင့် ဝေ့ခနဲ
ကောင်းကင်ရင်ခွင်ထက်က လွင့်စဉ်ကျလာတယ်.

မျက်စိအစုံကိုပိတ်လို့
လက်ညှိုးနဲ့ လက်ခလယ်လေးကို ထပ်လို့
ကျွန်တော်ဆုတောင်းလိုက်ခဲ့မိတယ်….

ကြယ်လေးရယ်..
မင်းနောက်ဘ၀မှာ ဒီ့ထက် ပိုတောက်ပပါစေ
ဒါပေမယ့် အကြွေမစောပါစေနဲ့နော်

ဘ၀ရထား

ဘ၀ရထား

ခုတ်မောင်းနေတဲ့ ရထားမှာ
ဘူတာတွေ တစ်ခုမက ရှိတာပဲလေ။
ဘူတာ မှားရပ်မိတဲ့ ရထားတစ်စင်း အဖြစ်
ကိုယ်....အလင်းမဲ့ခဲ့ဖူးတယ်။

တစ်ခါဆို ဆိုသလောက် ပါပဲ
တစ်ဘ၀စာလုံး အငိုမျက်ရည် တွေစိုလို့။
နှလုံးသား အတွက် အလင်းဆိုတာ
အမှားမကင်းတဲ့ ရထားတစ်စင်းလိုပါပဲ။

မှန်ကန်တဲ့ ဘူတာ အရောက်
နောက်မကျအောင် ခရီးပြင်းနှင်
ဘ၀အတွက် ပြင်ဆင်ရဦးမှာပဲလေ။
နှလုံးသားဟာ ဘ၀ရဲ့ တစ်စိတ်တစ်ပိုင်း လေးပါကွယ်.

သူကြောင့် 

သေချာပါတယ်...
သူ့ကြောင့်သာ မဟုတ်ခဲ့ရင်...
ပရိယာယ်ကင်းတဲ့ အပြုံးနှင့်
အရှုံး အနိုင် မရှိတဲ့ မေတ္တာတရား အကြောင်း
သံသယ ကင်းကင်း ယုံကြည်ဖြစ်မယ် မထင်ဘူး၊

သူ့ကြောင့်သာ မဟုတ်ခဲ့ရင်....
ရုတ်တရက်ဆို မသိနိုင်တဲ့
လူ့ယဉ်ကျေး ပဥစလက်
တစေ့တစောင်းလည်း ရှောင်တိမ်းတတ်မယ် မထင်ဘူး။

သူ့ကြောင့်သာ မဟုတ်ခဲ့ရင်...
အဆုတ် အတက်မြန်တဲ့
လောကရဲ့ ဒီရေလှိုင်းတွေကြား
အန်တုစိတ်နှင့် ပြန်ခုခံဖြစ်မယ်မထင်ဘူး။

သူ့ကြောင့်သာ မဟုတ်ခဲ့ရင်...
သေချာတယ်....
အရင်လို ငိုချင်ရက် လက်တို့ ခံစားချက်တွေနှင့်
အရာရာကို လိုချင်လျက် စွန့် လွတ်
တဖက်သတ် အရှုံး ပေးမှုတွေထဲ ပဲ ကိုယ်......
အခုအချိန်ထိ သွေးအေး သတ္တ၀ါ တစ်ကောင် ဖြစ်နေ ဦးမယ် ဆိုတာ....

အိမ်မက်မက်တတ်သူများ ...တမ်းတတတ်သူများသို့ 

မာယာတွေပါ

မင်းဆံပင်ထက်ပိုပြီး
ရှုပ်ထွေးများပြားတဲ့
မာယာအတတ်တွေကို
ဘယ်သူကဘယ်သူ့ကို
ဘယ်ခေတ်တည်းက
လက်ဆင့်ကမ်းလိုက်သလဲ၊

တကယ်တော့......တို့အားလုံး
မာယာတောမှာမျောခဲ့ကြ
မာယာတောမှာမောခဲ့ကြ
ခဏခဏဆိုသလိုပ၊

ခွဲခဲ့ကြခွာခဲ့ကြ
မာယာအနန္တနဲ့လူဖြစ်ခဲ့ကြ
တကယ်တွေးကြည့်ယင်
ဘယ်လောက်ခံပြင်းစရာကောင်းလိုက်လဲလို့
စဉ်းစားတိုင်းရင်နာယုံကလွဲလို့

ဘာတတ်နိုင်ခဲ့လို့လဲ
တကယ်တော့မာယာတောမှာ
မောခဲ့ပေါင်းလဲများပြီ
ထောင်စုနှစ်တခုမက
ရှိနေခဲ့မလားပဲ၊

တကယ်ပဲ ကဲကိုကဲတယ်
အမြဲလဲလွဲခဲ့တယ်
ဝင်္ကဘာမာယာတောမှာ
ရင်နာကာပြောချင်ပေမယ့်
နင့်တခါမြင်ရဖို့အရေး

မာယာပရပွအတွေးတွေမှာ
ငါဟာတဘ၀ပေးဆပ်
အရာရာဟာချည်နှောင်ရစ်ပတ်။ ။

ငါရှိနေခဲ့တယ်

အနာဂတ်ကိုလည်း

ကြိုမတွက်ဘူး

အတိတ်ကိုလည်း မတူးဆွဘူး

ငါကလက်ရှိအနေအထားလေးမှာ

နင့်ကြောင့်နေပျော်တတ်လာခဲ့တာ ။။

နင့်ကိုချစ်တဲ့စိတ်တွေနဲ့

ငါ့ကိုငါတောင် မမှတ်မိလေတော့

ငါ့ရင်ခွင်ကြားက

နင့်ပုံရိပ်တွေက

ငါ့ကိုယ်ပွားတွေလို ဖြစ်နေခဲ့ပြီ ။။

အဆုံးသတ်မယ့် ကဗျာတပုဒ်ပါ

စာလုံးပေါင်းတွေ မှားနိုင်ပေမယ့်

ခံစားချက်ကတော့ သတ်ပုံအမှန်ပါပဲ ။

ဝါကျတွေမှာ

သဒ္ဒါမှားရင်မှားမယ်

ရင်ခုန်သံကတော့ အထားအသိုမလွဲဘူး ။

ရိုးသားမှူတွေနဲ့

လုံလုံခြုံခြုံ ၀တ်ရုံပေးထားတယ်၊

အယူခံဝင်တယ်ပဲဆိုဆို

ဖြောင့်ချက်ပေးတယ်ပဲ

ပြောပြောအဲ့ဒီမှာနင်မရှိတဲ့

နေ့ရက်တွေရောနင်ရှိခဲ့တဲ့ နေ့ရက်တွေရော

အစီအစဉ်တကျရှိနေတာကို

နင်တွေ့လိမ့်မယ်။။

လွမ်းလက်စ

မေရယ် မမေ့ဘူးပဲထား
ဆောင်းရောက်ပြီနော် . . .
လွမ်းလက်စမှမကုန်သေးခင်လာပြန်ပြီ
နှင်းငွေ့တွေမိုးတွေသည်းလို့ကောင်းနေတုန်း
ဗြုန်း..ဆိုဆောင်းရောက်လာတယ်...........

မြူတွေထောင်းလမောင်းထအောင်ဆိုင်းလှို့
မှိုင်းညို့ညို့ဟိုတောတန်းဖြတ်သန်းဖို့ကြံခဲ့စဉ်က
နေရာမရွေးတဲ့အလွမ်း
သူကပဲတပန်းသာရော့သလား

အမေးများစွာအတွေးတရား........
အစဉ်မှာ....ဘေးမများချင်တာလဲပါရဲ့
အနန္တသူရိယ..အမတ်ကြီးရေးတဲ့
\"သူတည်းတယောက်\".....အစချီတဲ့
မျက်ဖြေလင်္ကာကရောရင်ကိုတိုက်စားခဲ့လေသလား.......

အမှတ်များစွာ.....ရင်ခွင်မှာ
စုရတနာလိုဥထားတဲ့
စေညွှန်ရာကိုရော်ရမ်းမှန်းဆ....
တမ်းတရတာအကြိမ်ကြိမ်ပါပဲ.......

ထောင်းလမောင်းကြေတဲ့
ဆောင်းပေါင်းလည်းမနည်းတော့
ခပ်ပေါ့ပေါ့လေးတွေးရယင်လေ
လွမ်းနေချင်သေးတယ် ..